Lovestory
Alles hät mitem Swipe nach rächts ahgfange – wär hätti dänkt, dass us Tinder es für immer wird? 🤩
Nach langem Schribe hämmer euses erste Date gha. Viel gredet, viel glachet und schlussändlich simmer jetzt es «Mir».
Nöd mal es Jahr spöter hämmer dänkt mir ziehnd zäme – was passt, das passt (ok, villicht au will sich dä Celina ihri WG ufglöst hät 😅).
Und dänn, in London im Holland Park, isch dä Moment cho: dä Enrique uf eim Chnü, d’Celina mit freudeträne (oder eher dä Enrique 😅) – und es ganz klaars «Ja». 💍
Programm
Friitig, 25. September 2026
Mir säged «Ja» – unterem offnige Himmel, mit dä Sunne im Gsicht und umgäh vu eusne liebste und wichtigste Lüüt.
Mir rächned mitem Start öbbe uf di 3 am Namittag, und denn wird aagstosse, glacht, gässe, taanzt – bis d’Stärne über Sitges glänzed. ✨
Samschtig, 26. September 2026
All usgschlafe mitemne liechte Kater gaht’s am Namittag wiiter.
Alli gnaue Zite und Info’s chömed no – aber eis isch sicher: Mir fiired wiiter! ✨
Location
Mir fiired in Sitges – dött wo d‘Sunne is Gsicht schiint und Läbensfreud ume isch.
Wo genau? Das bliibt no en chlini Überraschig 😉
So viel chömmer aber scho säge: Es wird wunderschön. ✨
Ahreis
Sitges isch nur 30 Minute vom Flughafe Barcelona (BCN) entfernt – also ganz easy z‘erreiche.
Egal ob Zug, Taxi oder Auto – d‘Ahfahrt isch überhaupt keis Problem.
Unterkunft
Für euses Hochziitsweekend häts in Sitges viel schöni Übernachtigsplätz – vo charmant bis modern, alli mega zentral und nöd wit weg vom Meer. Chasch au eifach mit paar usgwählte Lüüt ines Airbnb - hät meh als gnueg und all zentral und schön.
Dresscode
Für d’Trauig am Friitig, 25. September 2026, wünsched mir eus Outfits i helle Pastellfarbä – luftig, elegant, sommerlich.
D’Fiir isch dusse, drum sind bequemi Schueh perfekt, mit dene au uf ere Wiese chasch laufe und uf Stei tanze.
Am Samschtig döffsch ahlegge, was das wötsch – wichtig isch nur, dass dich wohl fühlsch!
Üsi Trauzüge
Ah eusere Site hämmer Mänsche, wo eus sit viel Jahr begleitet – mir lached mit ihne, fired mit ihne, reded mit ihne und sie unterstützed eus ih jedere Läbenslag. Eusi Trauzüge sind nöd nur Teil vu eusere Hochzit, sondern Teil vu eusem Läbe!
Mit dä Liebi, Fründschaft und dä Energie mached sie die bsundrige Momänt na bedütigsvoller und mir sind unändlich dankbar, dä Tag mit ihne chönne z’fiire.
Bi Froge rund um d’Hochziit döffed ihr euch gärn au ah üsi Trauzüge wände: Patrick & Nadine.
Bisch debii?
So chamer besser plane – merci viiilmol fürs Usfülle!
Wunschliste
Euchi Ahwäseheit isch s’schönschte Gschänk! Wenn du eus trotzdem öppis mitgeh wötsch, dänn dörfsch gärn en chline Bitrag zue eusere Honeymoon-Reis 2027 gä.
Mir göhnd drü Monet dur Australie & Südostasien – jede Bazze hilft, no meh gmeinsami Erinnerige z’schaffe.
Für no meh gemeinsami Momänt
Kontakt
Mir sind d‘Täg am zelle, bis mir endlich mit euch chönd aastoosse, lache und tanze.
Danke, dass ihr dä Momänt mit eus teiled – ohni euch wär’s nöd s’gliiche!
📩 celina.widmer@icloud.com
📍 Sitges, Spanien
📅 25. + 26. September 2026